Hyrje
Në një kohë ku konkurrenca është e ashpër dhe zhvillimi i teknologjisë përparon me shpejtësi, komunikimi dhe etika në biznes bëhen thelbësore për arritjen e suksesit. Kompanitë dhe bizneset e kuptojnë se për të qëndruar në krye të lojës, duhet të përshtasin praktikat më të mira të komunikimit dhe të respektojnë normat etike në cdo aspekt të punës së tyre. Kjo përfshin aftësinë për të dëgjuar dhe për të folur me respekt, për të qenë të ndjeshëm ndaj nevojave dhe pritshmërive të të tjerëve, respektimin e standartit të të shkruarit të informacioneve zyrtare dhe profesionale, si dhe menaxhimi i konflikteve në një mënyrë konstruktive. Menaxherët e suksesshëm e kuptojnë rëndësinë e marrëdhënieve të mira brenda kompanisë dhe me klientët, ndaj investojnë në zhvillimin e një kulture të komunikimit të hapur dhe të qartë dhe promovojnë sjellje të drejtë dhe transparente në të gjitha nivelet e organizatës. Kështu, ata ndërtojnë besim dhe lojalitet në mes të punonjësve dhe klientëve, duke kontribuar në suksesin afatgjatë të biznesit. Në një botë ku reputacioni dhe integriteti janë çelësi i suksesit në biznes, respektimi i standardeve etike dhe komunikimi i drejtë e i saktë janë bërthama e një biznesi të qëndrueshëm dhe të suksesshëm në kohën tonë.
Pritshmëritë në përfundim te trajnimit
Pjesëmarrësit do të:
- Njohin koncepte bazë të komunikimit dhe komunikimit në biznes
- Identifikojnë rëndësinë e komunikimit të efektshëm në realizimin e qëllimeve të organizatës.
- Identifikojnë dhe dallojnë mes komunikimit verbal dhe atij jo-verbal në kontekstin e biznesit
- Zhvillojnë aftësitë për të shkruar mesazhe të qarta, të rëndësishme dhe të fuqishme për audienca të ndryshme.
- Përdorin standarte dhe rregulla të përshtatshme të shkrimit të korrespondencës profesionale në organizatë.
- Përdorin teknika të përshtatshme për të adresuar letra, email, raporte apo dokumenta të tjera zyrtare
- Hartojnë raporte të përshtatshme për audienca të ndryshme, duke përdorur gjuhën dhe stilin e përshtatshëm për secilën situate të organizatës.
- Të përdorin burime të ndryshme për të mbledhur dhe analizuar informacionin për një raport të besueshëm.
Përmbledhje e temave
Moduli 1. Njohuritë e koncepteve të komunikimit në biznes:
- Të kuptojmë rëndësinë e komunikimit
- Të shpjegojmë komunikimin profesional
- Të vlerësojë çështjet e komunikimit të biznesit
- Të studiojmë procesin e komunikimit
- Të shqyrtojmë teknologjinë e komunikimit
Moduli 2. Identifikimin e mënyrave dhe formave të komunikimit në biznes
- Llojet e komunikimit
- Format e komunikimit në biznes
- Komunikimi verbal dhe komunikimi joverbal
- Rëndësia e komunikimit joverbal dhe praktikat që mundësojnë një komunikim efektiv nëpërmjet “komunikimit” pa fjalë
Moduli 3. Formatimi i korrespondencës në biznes
- Rëndësia e komunikimit nëpërmjet postës elektronike
- Njohja e llojeve të e-mail dhe identifikimi i tipareve të tyre
- Përdorimi i procesit tre-hapa të shkrimit të mesazhit nëpërmjet e-mail
- Hapat kryesorë që duhen pasur në vëmendje për shkrimin e një mail të qartë dhe të lexueshëm: Kërkimi –Personalizimi –Testimi -Rishkrimi
- Rishikimi dhe vlerësimi i mesazheve
- Përmirësimi i leximit të mesazheve
- Përmirësimi i qartësisë dhe konçizitetit
- Kuptimi i dizajnit efektiv
- Korrektimi i mesazheve të biznesit
- Shpërndarja e mesazheve tuaja
- Rëndësia e etikës në shkrimin e email-it
Moduli 4. Këshilla për komunikim efektiv
- Komunikimi efektiv në mjedisin e punës
- Elementët e rëndësishëm për komunikim efektiv në biznes
- Avantazhet dhe barrierat për një komunikim efektiv
- Puna në grup si faktor suksesi në komunikimin në biznes
- Zhvillimi i teknologjjisë dhe mundësitë inovative si lehtësues për një komunikim efektiv
Moduli 5. Shkrimi i raportit: Një udhëzues për komunikim efektiv
- Cfarë kuptojmë me shkrimin e raportit
- Struktura e raportit
- Formati i raportit
- Përmbajtja
- Editimi dhe prezantimi i raportit
Të dhëna rreth trajnimit
- Kohëzgjatja e trajnimit: 1 ditë
- Numri i pjesëmarrësve: Deri në 10 persona grupi
- Vendi i zhvillimit të trajnimit: Salla “Dimension” | Rruga Moskat (pranë LSI – ish Blloku) | Tiranë
